Supkee 部落

在死海酒店訓到九点几，之前行到好累。早餐後就到酒店私人海灘查全身死海泥，頭髮都查埋，等佢乾晒後先落水浸，早上07：00兩天都有細雨，氣溫11度，10後太陽就現，溫度就回升，死海水溫，怕凍既我都可接受，等於香港海水25度， 我地住二晚浸咗3次 。
 如果在Madaba City轉車，最好食埋野先到酒店，酒店有飧廳，自助晚飧原價24元(埃及幣)，特價 17元。酒店check-out 後，call Uber到madaba酒店，住两晚，第一次叫，价錢7.82元，他到後話信用卡過唔到数要現金33元，我拒付，回到酒店攞wifi 再叫又是他，要25元，我又拒付，叫他不要接order，第三次终於可以用信用卡付欵，今次輪到佢唔制開車走，我對方说银行已過数了。於是我同老婆回酒店向Uber投訴。最後我地拖住行理行咗15分鐘到另外一處shopping mall揾的士，佢地出价由25元降至15元，我地出价坚决13元，三架車约定要15元。曾經有七座位順風車，可惜唔同路，之後橫過對面馬路問設路障警察有冇巴士去madaba，佢話有要等，等咗ㄧ陣有ㄧ白牌車在對面缐轉過來要15元，我地出价係13元，他説14元，最後佢要5元車我地去巴站，15分鐘車程，在分义口去madaba放底我地，他說這裡有巴士经過，等咗大半鈡都唔見巴士，突然有架開蓬載菜之類小正貨車停在我地前面，老婆上前問他是否去madaba 又几多錢，他好似話不要，於是两個人同行李一齊坐車後尾斗。車程约35分鈡後落，我地相量送我两件今次旅行先著既jackets比佢两個，感謝佢慷慨送我地一程。